काश्मीरप्रश्नी संयुक्त राष्ट्र सुरक्षा परिषदेची आज बैठक

चीनवगळता सुरक्षा परिषदेतील अन्य चारही स्थायी सदस्य देशांनी भारताच्या बाजूने मतप्रदर्शन केले आहे. काश्मीरसह भारत आणि पाकिस्तानातील सर्व वादाचे मुद्दे हे केवळ द्विपक्षीय चौकटीतले असून त्यात त्रयस्थ देशांचा हस्तक्षेप नको, अशी ठाम भूमिका भारताने वेळोवेळी मांडली आहे. त्या भूमिकेचे या चारही देशांनी समर्थन केले आहे. अमेरिकेचे अध्यक्ष डोनाल्ड ट्रम्प यांनीही काश्मीरमधील घडामोडी ही भारताची अंतर्गत बाब आहे, असे म्हटले आहे. काश्मीर प्रश्नावरील चर्चेला दुय्यम स्थान देण्याची फ्रान्सची मागणी आहे. त्यावरूनही चीन आणि फ्रान्समध्ये मतभेद असल्याचे समजते. यापूर्वी १९६५ मध्ये काश्मीरप्रश्नी राष्ट्रीय सुरक्षा परिषदेत चर्चा झाली होती.