ज्येष्ठ अभिनेत्री विद्या सिन्हा यांचे निधन

स्टार प्लसवरील लोकप्रिय मालिका 'कुल्फी कुमार बाजेवाला' यात त्या महत्वाची भूमिका करत होत्या. परंतु काही दिवसांपूर्वी प्रकृती अस्वस्थामुळे त्यांनी मालिकेतून विश्रांती घेतली. सत्तर च्या दशकात त्यांनी आपल्या अभिनयाने प्रेक्षकांच्या मनावर वेगळा ठसा उमटविला होता. छोटीसी बात, रजनीगंधा, पती पत्नी और वो हे त्यांचे काही गाजलेले चित्रपट. नंतरची बरीच वर्षे त्या हिंदी चित्रपटसृष्टीपासून दूर होत्या. २०११ मधील सलमान खानच्या बॉडीगार्ड या चित्रपटातून त्यांनी कमबॅक केले. त्यानंतर छोट्या पडद्यावरील अनेक हिंदी मालिकांमधून काम करायला सुरुवात केली. आपल्या कारकिर्दीत प्रेक्षकांच्या मनावर अभिनयाची छाप पडणाऱ्या या अभिनेत्रीच्या जाण्याने हिंदी चित्रपटसृष्टीत शोककळा पसरली.