१४ ऑगस्ट भारतासाठी 'काळा दिवस'च

 

आपण यंदाच्या वर्षी १५ ऑगस्ट रोजी देशाचा ७३ वा स्वातंत्र्य दिन साजरा करणार आहोत. १५ ऑगस्ट रोजीच इंग्रजांच्या १५० वर्षांच्या गुलामीगिरीतून भारताला स्वातंत्र्य मिळाले होते. पण, या स्वातंत्र्यासोबत आपल्या वाट्याला एक दुःखही आले होते. आपला देश दोन देशांत विभाजित झाला होता. भारतापासून विभाजित होऊन पाकिस्तान एक वेगळा देश झाला. भारताच्या काश्मीर खोऱ्यातील काही भागावर पाकने ताबा घेतला, हाच भाग सध्या पाकव्याप्त काश्मीर म्हणून ओळखला जातो. पाकव्याप्त काश्मीर हा भारताचाच भाग असून तो ही लवकरच भारतात समाविष्ट केला जाण्याचे संकेत केंद्र सरकारने आधीच दिले आहेत.