नवी दिल्ली : राष्ट्रीय स्तरावरील माजी कुस्तीपटू महावीर फोगट आणि त्यांची मुलगी बबिता फोगट यांनी सोमवारी भाजपमध्ये प्रवेश केला. केंद्रीय क्रीडा मंत्री किरण रिजेजू यांच्या उपस्थितीमध्ये हा प्रवेश करण्यात आला. यापूर्वी बबिता फोगट यांनी जननायक जनता पक्षासाठी (जेजेपी) प्रचार केला होता.
महावीर फोगट हे जेजेपी स्पोर्ट्स सेलच्या प्रदेशाध्यक्ष पदावर आहेत. क्रीडा मंत्री किरण रिजेजू यांनी महावीर फोगट यांचे कौतुक केले. ते म्हणाले, "फोगट यांनी अनेक कुस्तीपटू घडवले आहेत. पक्षासाठी ही अभिमानाची गोष्ट आहे की, भारताचे प्रतिनिधीत्व केलेल्या दोन कुस्तीपटूंनी हा निर्णय घेतला आहे."