डोंबिवली : शहरांत कोणतेही अचूक प्रकार होऊ नये यासाठी शरातील प्रमुख नाक्यांवर कडेकोट बंदोबस्त तैनात करण्याचा निर्णय पोलिसांनी घेतला आहे. छेडछाड, फुगाफेक रोखण्यासाठी विशेष पथके तैनात करण्यात आली आहेत. होळी तसेच धुळवडीच्या काळात शहरात कोणतेही अनुचित प्रकार घडू नये तसेच महिलांची छेडछाड होऊ नये, यासाठी शहरामधील प्रमुख नाक्यांवर कडेकोट बंदोबस्त तैनात करण्याचा निर्णय पोलिसांनी घेतला आहे.
शहरातील नाक्या-नाक्यांवर धुळवड मोठ्या प्रमाणात साजरी केली जाते, मात्र गेल्या काही वर्षांपासून पाण्याने व रंगाने भरलेले फुगे फेकण्याचे प्रकार वाढू लागले आहेत. विशेषत: महिला व तरुणींवर अशा प्रकारे फुग्यांचा मारा केला जातो. इमारतीच्या गच्ची व गल्लीबोळात लपून फुगे फेकले जातात. अशा फुग्याच्या माऱ्यामुळे अनेकांना मोठी दुखापत झाल्याचे प्रकार यापूर्वी उघडकीस आले आहेत. या पाश्र्वभूमीवर दरवर्षीप्रमाणे पोलिसांनी खबरदारीचा उपाय म्हणून यंदाही शहरात कडेकोट बंदोबस्त तैनात केला आहे. त्यामध्ये अधिकारी व कर्मचारी, राज्य राखीव दल, होमगार्ड आदींचा समावेश आहे.