मंगल प्रभात लोढा ठरले देशातील सर्वाधिक श्रीमंत बांधकाम व्यावसायिक

ग्रोहे हुरुन इंडियातर्फे श्रीमंत व्यावसायिकांची यादी जाहीर

मुंबई : मॅक्रोटेक डेव्हलपर्सचे संस्थापक मंगल प्रभात लोढा हे देशातील सर्वात श्रीमंत बांधकाम व्यवसायिक ठरले आहेत. लोढा समुहाचे एकूण निव्वळ नफा ३१ हजार ९३० कोटी इतके आहे. देशातील शंभर सर्वाधिक श्रीमंत बांधकाम व्यावसायिकांची यादी प्रकाशित करणाऱ्या ग्रोहे हुरुन इंडियातर्फे ही माहिती देण्यात आली आहे. गतवर्षीही लोढा समुहाने या यादीत अव्वल क्रमांक मिळवला होता. सलग दोन वर्षे लोढा समुहाने आपले स्थान कायम राखण्यात यश मिळवले आहे.

डीएलएफ समुहाचे उपाध्यक्ष राजीव सिंह हे २५ हजार ८० कोटींच्या निव्वळ नफ्यासह दुसरे स्थान पटकावले आहे. त्यांनी आपल्या गुणतालिकेत एका अंकाने सुधार केला. तिसऱ्या स्थानी बंगळुरुतील एम्बसी समुहाचे अध्यक्ष व व्यवस्थापकीय संचालक जितेंद्र विरवानी आहेत. त्यांचे निव्वळ उत्पन्न २४ हजार ७५० कोटी इतके आहे.