कोहिमा : नागालँड विधानसभेचे अध्यक्ष विखो-ओ-योशू यांचे सोमवारी रात्री उशिरा मुंबईतील खासगी रुग्णालयात निधन झाले. गेल्या अनेक महिन्यांपासून त्यांना फुफ्फुसाच्या कर्करोगाने ग्रासले असल्याचे त्याच्या कुटुंबियांनी सांगितले. ते ६७ वर्षांचे होते. पंतप्रधान नरेंद्र मोदी यांनी ट्विट करुन योशु यांना श्रद्धांजली वाहिली.
पंतप्रधानांनी ट्वीट केले की,''नागालँड विधानसभेचे अध्यक्ष विखो-ओ-योशु यांच्या निधनाचे वृत्त ऐकून दुःख झाले.ते अतिशय एक कष्टकरी नेते होते ज्यांनी आपले जीवन नागालँडच्या प्रगतीसाठी वाहिले. ते म्हणाले की, दुःखाच्या या प्रसंगी माझे विचार त्यांचे कुटुंबिय आणि समर्थकांसह आहेत. त्यांच्या आत्म्याला शांती लाभो."
आपल्या शोक संदेशात मुख्यमंत्री रिओ म्हणाले की, ‘योशु दयाळू आणि सौम्य व्यक्तीमत्व होते. नागालँड विधानसभेच्या सभापतींच्या निधनामुळे मला अतिशय दु: ख झाले आहे. नागालँडने एक महान नेता गमावला.’ दरम्यान, अतिरिक्त मुख्य सचिव (गृह) राखो म्हणाले की, ‘सोमवारपासून नागालँडमध्ये तीन दिवसांचा दुखवटा घोषित करण्यात येत आहे.’