जनकल्याण समितीच्या सायकल मॅरेथॉनला उत्स्फूर्त प्रतिसाद

मुंबई : शहरात दिल्लीच्या धर्तीवर प्रदूषणाची पातळी खालावली आहे. यासाठी प्रदूषणाचे महत्त्व विद्यार्थीदशेतच मुलांना कळावे, यादृष्टीने जनकल्याण समिती परळ भागाच्यावतीने ‘तेजोमय भारतासाठी सशक्त विद्यार्थी घडवूया! पर्यावरण राखूया, सायकल चालवूया’ या सामाजिक उपक्रमांतर्गत रविवार, दि. २९ डिसेंबर रोजी सायकल मॅरेथॉनचे आयोजन केले होते. समितीच्या या उपक्रमाला विद्यार्थ्यांनी उत्स्फूर्त दिला. सकाळच्या ऐन कडाक्याच्या थंडीतही शेकडो विद्यार्थ्यांनी आपली उपस्थिती दर्शवली. वीर जिजामाता उद्यान (राणीबाग) ते दादर टीटीपर्यंतच्या या सायकल मॅरेथॉनमध्ये शेकडो विद्यार्थ्यांनी सहभाग घेतला होता. मुंबईच्या महापौर किशोरी पेडणेकर यांच्या हस्ते झेंडा दाखवून या मॅरेथॉनला सुरुवात करण्यात आली.