दक्षिण भारतात पाऊस, विदर्भात तापमान कमी होईल

@@NEWS_SUBHEADLINE_BLOCK@@

    19-Nov-2019
Total Views |


दक्षिण तटीय आंध्र प्रदेश, रायालसीमा, तामिळनाडू आणि केरळच्या काही भागात हलका ते मध्यम पाऊस पडण्याची शक्यता आहे. तसेच, किनारपट्टी व दक्षिण अंतर्गत कर्नाटकातील काही ठिकाणी हलका पाऊस पडेल. उत्तर कोस्टल आंध्र प्रदेश, तेलंगाणा आणि उत्तर अंतर्गत कर्नाटकातील हवामान कोरडे राहील.

पूर्व आणि ईशान्य भारतात, पूर्व आसाम व त्याच्या आसपासच्या भागात चक्रवाती परिस्थिती आहे. त्यामुळे अरुणाचल प्रदेशात विखुरलेला पाऊस आणि हिमवादळ पहायला मिळेल. पूर्व आसाम आणि मेघालयात एक किंवा दोन मध्यम सरींसह हलका पाऊस पडेल. दक्षिण आसाम आणि मेघालयातील एक दोन भागात धुके असण्याची शक्यता आहे. त्यादरम्यान नागालैंड मध्ये हलक्या सरींची शक्यता आहे. तर उर्वरित ईशान्य आणि पूर्व भारतात हवामान कोरडे राहील. पूर्व उत्तर प्रदेश, बिहार आणि झारखंड मध्ये किमान तापमानात किंचित घट दिसून येईल.

उत्तरेकडील भागात, पश्चिमी विक्षोभ उत्तर अफगाणिस्तान आणि त्याच्या आसपासच्या क्षेत्रांवर आहे. उत्तर पश्चिम दिशेने वारा देशाच्या उत्तर पश्चिम मैदानावर वाहील. आम्हाला अशी अपेक्षा आहे की पंजाब, हरियाणा, दिल्ली, उत्तर राजस्थान आणि पश्चिम उत्तर प्रदेशात किमान तापमानात घट होईल. जम्मू काश्मीर, लडाख, हिमाचल प्रदेश आणि उत्तराखंडमधील हवामान कोरडे असेल तर जम्मू-काश्मीरवरील आकाश अंशतः ढगाळ राहील.वाऱ्यांचा वेग एकदा पुन्हा कमी होईल आणि दिल्लीत प्रदूषणाच्या पातळीत किरकोळ वाढ दिसून येईल.

मध्य भारतात, दक्षिण-पूर्व राजस्थानात विपरीत चक्रवाती परिस्थिती आहे. आपल्या देशाच्या मध्य भागांवर कोणत्याही प्रकारच्या गतिविधीची अपेक्षा नाही आहे. तथापि उत्तर व ईशान्य दिशेपासून कोरड्या वाऱ्यांमुळे मध्य प्रदेश, छत्तीसगड आणि विदर्भातील किमान तापमानात घट दिसून येईल.

@@AUTHORINFO_V1@@