नवी दिल्ली : राज्यातील सत्तास्थापनेसाठी राष्ट्रवादी आणि कॉंग्रेसशी जुळवाजूळव करणारी शिवसेना राष्ट्रीय लोकशाही आघाडीतून (एनडीए) बाहेर पडल्याची आज अखेर घोषणा करण्यात आली. शिवसेनेचे एकमेव केंद्रीय मंत्रीमंडळातील नेते अरविंद सावंत यांनी राजीनामा दिला. त्यामुळे त्यांची रवानगी आता लोकसभेत पहिल्या रांगेतून आता थेट तिसऱ्या रांगेत होणार आहे. अरविंद सावंत यांच्या मंत्रीमंडळाचा कारभार आता प्रकाश जावडेकर यांना देण्यात आला आहे.