अनिल अंबानींनी दिला राजीनामा !

नवी दिल्ली : रिलायन्स कम्युनिकेशन्सचे मालक असलेले अनिल अंबानी यांनी संचालकपदाचा राजीनामा दिला आहे. कंपनीने ही माहिती नियामक फायलिंग करताना दिली आहे. रिलायन्स कम्युनिकेशन्स ही सध्या आर्थिक अडचणीत आहे. अनिल अंबानी यांच्याव्यतिरिक्त छाया विरानी, रिना करानी यांच्यासह इतर दोन संचालकांनी पदाचे राजीनामे दिले आहेत.

संचालक मणीकांतन व्ही. आणि मुख्य वित्तीय अधिकारी यांनी यापूर्वीच पदाचे राजीनामे दिले आहेत. हे राजीनामे कंपनीच्या कमिटीपुढे विचारासाठी ठेवण्यात येणार असल्याचेही कंपनीने शेअर बाजाराला दिलेल्या माहितीत सांगितले आहे. सर्वोच्च न्यायालयाने थकित रक्कम (एजीआर) दूरसंचार विभागाला देण्याचे आदेश दूरसंचार कंपन्यांना दिले आहेत. त्याचा फटका बसून रिलायन्स कंपनीला चालू वर्षाच्या जूलै-सप्टेंबरच्या तिमाहीत ३० हजार १४२ कोटी रुपयांचा तोटा झाला आहे.