राफेल प्रकरणाच्या चौकशीची गरज नाही : सर्वोच्च न्यायालय

नवी दिल्ली : राफेल प्रकरणात कथित गैरव्यवहार झाल्याचा आरोप करणाऱ्या सर्व याचिका न्यायालयाने फेटाळल्या आहेत. तसेच राहुल गांधी यांनी राफेल प्रकरणात मागितलेली माफीही न्यायालयाने मान्य केली आहे. त्यामुळे मोदी सरकारवर गंभीर आरोप करणाऱ्या विरोधी पक्षांना दणका बसला आहे.

फ्रान्ससोबत ३६ राफेल लढाऊ विमानांचा करार केल्यानंतर याला आव्हान देणाऱ्या याचिकांवर गुरुवारी सुनावणी झाली. या प्रकरणी माजी मंत्री अरुण शौरी, यशवंद सिन्हा, सर्वोच्च न्यायालयाचे वकील प्रशांत भूषण, आम आदमी पक्षाचे खासदार संजय सिंह आदींनी याचिका दाखल केल्या होत्या.