आर्थिक संकटात बुडालेला पाकिस्तान कर्जाच्या कचाट्यात

इस्लामाबाद : पाकिस्तान चीनला कायमच आपला मित्र म्हणून संबोधतो. यामागचे खरे कारण आहे की, पाकिस्तानने चीनकडून सर्वाधिक कर्ज घेतले आहे. आंतरराष्ट्रीय नाणेनिधी पेक्षाही जास्ती कर्जाचा भार पाकिस्तानवर चीनकडून घेतलेल्या कर्जाचा आहे. आंतरराष्ट्रीय पातळीवर पाकिस्तानची चांगलीच कोंडी झालेली असून, अंतर्गत अर्थव्यवस्थाही विस्कळीत झाली आहे. कालच पाकिस्तानमधील आर्थिक स्थिती दिवसेंदिवस बिघडत चाललल्याने पाकिस्तानातील २० बड्या व्यापाऱ्यांनी देशाची अर्थव्यवस्था पाक लष्कराने हातात घ्यावी याची मागणी केली. इमरान खान सरकार आंतरराष्ट्रीय आणि देशांतर्गत राजकारणातही निष्फळ ठरल्याने त्यांना स्थानिकांच्या रोषाला सामोरे जावे लागत आहे. यातच मित्र म्हणणाऱ्या चीनच्या आर्थिक कर्जाचा भार पाकिस्तानवर वाढत चालला आहे. यामुळे पाकिस्तानवरील परकीय चलनाचे संकटही गडद होत चालले आहे.