सेनेच्या होर्डिंग वर फक्त शाहांचा फोटो

04-Oct-2019

Total Views | 269

हे पोस्टर ठरलंय चर्चेचा विषय

मुंबई (प्रतिनिधी): भारतीय जनता पक्षासह, शिवसेना युतीत असले तरी त्यांच्यात यापूर्वी झालेली धूसफूस जनता विसरलेली नाही.

निवडणुकीच्या रणधुमाळीत, मात्र मुंबईत झळकलेल्या या शिवसेना होर्डिंगने सगळ्यांचे लक्ष वेधले आहे.

मागील विधानसभा निवडणुकींच्या वेळेत अमित शाहांचा उल्लेख अत्यंत अपमानजनक शब्दात शिवसेनेने केला होता. आज मात्र विरार येथून सेनेच्या तिकिटावर विधानसभा लढत असलेले प्रदीप शर्मा यांनी हे होर्डिंग प्रचारासाठी लावले आहे. आश्चर्याची बाब म्हणजे, संपूर्ण होर्डिंग वर कुठेही उद्धव ठाकरे किंवा आदित्य ठाकरेंचा फोटो नाही. सेनेच्या कोणत्याही पदाधिकाऱ्याचादेखील फोटो नाही.

शिवसेनेच्या पोस्टरवर बाळासाहेबांचा फोटो तरी असतो. पण या होर्डिंगमधून बाळासाहेबांनाही वगळण्यात आले आहे. अमित शाह हेच शिवसेनेचा चेहरा असल्याचा भास होर्डिंग कडे पाहिल्यावर होतो.