Shame On NCP : नेटीझन्सनी धनंजय मुंडेंना झोडपले
मुंबई : राष्ट्रवादी कॉंग्रेसचे नेते आणि विरोधी पक्ष नेते धनंजय मुंडे यांनी राज्याच्या ग्रामविकास व बालकल्याण मंत्री पंकजा मुंडे यांच्याबद्दल केलेल्या आक्षेपार्ह वक्तव्याचा नेटीझन्सनीही चांगलाच समाचार घेतला आहे. महिला कल्याणाचा आव आणत महिलांबद्दल स्वतःच्याच बहिणीबद्दल असे वक्तव्य करणारा, असा भाऊ कुणालाही न मिळो अशा भावना ट्विटरवर व्यक्त करून धनंजय मुंडेंनाही चांगलेच फैलावर घेण्यात आले आहेत. राष्ट्रवादी कॉंग्रेससारख्या पक्षाच्या नेत्याचे स्वतःच्याच बहिणीबद्दलचे हे विधान अत्यंत वेदनादायी असल्याचे मत व्यक्त केले जात आहे.
श्रीमती पंकजाताई मुंडे यांच्याबद्दलच्या या अशोभनीय वक्तव्याचा महिला मोर्चा कडक शब्दांत निषेध करतो. निवडणूक आयोगाने तर याची गंभीर दखल घ्यावीच; पण महिला सन्मानाची भाषा सतत तोंडी असणारया राष्ट्रवादीनेही स्पष्ट भूमिका घेतली पाहिजे. (2/2) @BJP4Maharashtra @Pankajamunde @supriya_sule
— Vijaya Rahatkar (@VijayaRahatkar) October 19, 2019
धनंजय मुंडे यांनी तो व्हीडिओ डिलिट का केला ?
धनंजय मुंडे म्हणतात की त्या व्हीडिओला एडीट करण्यात आले आहे तर तो व्हीडिओ त्यांच्या फेसबूक अकाऊंटवरून डिलीट का करण्यात आला, असा सवाल आता महिला आयोगाच्या अध्यक्षा विजया रहाटकर यांनी केला आहे. रहाटकर यांनी याबद्दल आक्षेप नोंदवत मुंडे यांच्या म्हणण्याप्रमाणे या व्हीडियोची फॉरेन्सिक तपासणी केलीच पाहीजे, अशी मागणीही केली आहे. निवडणूक आयोगानेही या प्रकरणी कारवाई करावी, असे मत त्यांनी व्यक्त केले आहे.
राज्याच्या मंत्री, परळीमधील उमेदवार @Pankajamunde यांच्याबद्दल त्यांचे बंधू व प्रतिस्पर्धी उमेदवार धनंजय मुंडे यांचे वक्तव्य धक्कादायक, अशोभनीय आहे. रणधुमाळीतील आरोप-प्रत्यारोप समजणे शक्य आहे;पण आपल्या बहिणीबद्दल, एका महिलेबद्दल असे उदगार अतिशय अनुचित आहेत.(1/2)@BJP4Maharashtra
— Vijaya Rahatkar (@VijayaRahatkar) October 19, 2019
महिला मोर्चाची राष्ट्रीय अध्यक्ष म्हणून
— Vijaya Rahatkar (@VijayaRahatkar) October 20, 2019
सवाल आहे:
वादग्रस्त वीडियोची फॉरेन्सिक चाचणी झाली पाहिजे. धनंजय मुंडे यांना खात्री आहे;तर मग महिलांना लज्जाजनक वाटेल असा @Pankajamunde ताईविरुद्धचा "तो" वीडियो फेसबुकवरून ड़ीलीट का केला? ड़ीलीट केल्याने वक्तव्य कसे झाकले जाईल?#ShameonNCP pic.twitter.com/tYu2jVoHZe
