पाकिस्तानात पुन्हा हिंदू मुलीचे जबरदस्ती धर्मांतर

सिंध : पाकिस्तानच्या सिंध प्रांतात आणखी एका हिंदू मुलीचे जबरदस्तीने इस्लाम धर्मांतर झाले. हि मुलगी सिंध प्रांतातील टंडो मोहम्मद खान येथील रहिवासी असून या मुलीचे नाव पायल आहे. पायलच्या कुटुंबीयांनी सांगितले की, मुस्लिम तरुणांनी प्रथम तिचे अपहरण केले, नंतर तिचे धर्मांतर केले. कुटुंबीयांनी पोलिसात एफआयआरही दाखल केली आहे. पाकिस्तानमध्ये हिंदू मुलींसोबत वारंवार अशा घटना घडत आहेत. गेल्या महिन्यात सिंधमध्ये राहणाऱ्या वैद्यकीय शिक्षण घेत असलेल्या विद्यार्थी नम्रता हिचा देखील इस्लामचा स्वीकार न केल्यामुळे हत्या करण्यात आल्याचे प्रकरण समोर आले होते. दरवर्षी पाकिस्तानात १२ ते २८ वयोगटातील सुमारे १ हजार मुलींचे अपहरण केले जाते. या सर्व घटनांवर पाकिस्तानचे पंतप्रधान इम्रान खान कधीही प्रतिक्रिया देत नाहीत.