विधानपरिषद तहकूब, नाणार प्रकल्पावरुन गदारोळ

 

 

नागपूर : गेले २ दिवस नागपूर येथे नाणार प्रकल्पावरुन विधानसभा आणि विधान परिषदेत गोंधळ सुरु आहे. काल या वादावरुन राजदंड पळवण्याचा प्रयत्न शिवसेनेने केल्यानंतर आज देखील या प्रकरणावरुन वातावरण तापले आणि अखेर कामकाज दिवसभरासाठी तहकूब करणे भाग पडले. विधानसभेपाठोपाठ विधानपरिषदेतदेखील नाणारवरून शिवसेना, काँग्रेस आणि राष्ट्रवादी काँग्रेस आक्रमक झालेले पहायला मिळाले.

 

विधानपरिषदेत दुपारच्या विश्रांती नंतर सुरु करण्यात आलेल्या चर्चेत नाणारचा विषय उपस्थित करण्यात आला आणि एकच खळबळ माजली. नाणाराच्या मुद्द्यावर राष्ट्रवादी काँग्रेसतर्फे प्रश्न उपस्थित करण्यात आला. नाणार रिफायनरीप्रकरणी राष्ट्रवादी काँग्रेसचे सुनील तटकरे यांनी आणलेला स्थगन प्रस्ताव सभापती रामराजे नाईक-निंबाळकर यांनी नाकारल्याने विधानपरिषदेत राष्ट्रवादी, काँग्रेसच्या सदस्यांनी मोठ्या प्रमाणात घोषणाबाजी करत गदारोळ केला. यामुळे सुरूवातीच्या १५ मिनिटांसाठी आणि नंतर दिवसभरासाठी परिषदेचे कामकाज तहकूब करावे लागले.

 

 

 

 

 

 

 

 

  कोंकणवासियांच्या मनात संभ्रम आहे :