ब्रिटनमध्ये साजरा होतोय 'नॅशनल समोसा विक'

बऱ्याच वेळेला समोसा हा पदार्थ अस्सल भारतीय खाद्यपदार्थ म्हणून ओळखला जातो. मात्र मुळात हा पदार्थ भारतीय नाही...! रोमिल गुलझार यांनी याबद्दल सविस्तर सांगितले आहे. समोसा हा पदार्थ १० व्या शतकात मध्य आशियामध्ये तयार करण्यात आला होता. तेथून व्यापाराला किंवा युद्धाच्या निमित्ताने जाणाऱ्या नागरिकांमुळे तो दक्षिण आशियात पोहोचला. हा पदार्थ सुरुवातीला मांसाहारी असला तरी देखील, भारतीय मातीत रुजल्यानंतर येथे तो शाकाहारी पदार्थ म्हणूनच लोकप्रिय झाला.

भारत, पाकिस्तान, बांगलादेश, नेपाळ येथे आजही समोसा अत्यंत लोकप्रिय आहे. आणि त्याची भुरळ ब्रिटेनच्या नागरिकांना देखील पडू लागली आहे.

या कार्यक्रमातील सर्वाधिक नवीन आणि आकर्षणाचे केंद्रबिंदू आहे, ते चिली बाबा रेस्टॉरंटने केलेला स्ट्रॉबेरी आणि चॉकोलेट समोसा. नाव ऐकूनच तोंडाला पाणी सुटावे, असा हा प्रकार आहे. आम्ही आमचा स्वत:चा नवीन प्रकारचा समोसा यानिमित्ताने नागरिकांपुढे ठेवत आहोत. डेझर्ट प्रकारातील या समोस्यात चॉकलेट पेस्ट्री, कोकोनट, स्ट्रॉबेरी आणि बिस्किटस यांचा समावेश असतो, असे चिलीबाबा रेस्टॉरंटने सांगितले.

 

 

याचबरोबर चीलीबाबाने चिकन करी समोसा देखील तयार केला आहे. यात चिकन करी आणी बिर्याणी राईसचा समावेश असतो. हा प्रकार देखील अनेकांना आकर्षित करत असल्याची माहिती मिळते.

 

याशिवाय देखील अनेक प्रकारच्या समोशांची चव घ्यायाल मिळत आहे. अनेक लोक आपले अनुभव कथन या कार्यक्रमानिमित्त करत आहेत.