अमळनेरात होणार मागासवर्गीय मुलींचे भव्य वसतिगृहसाडेआठ कोटींच्या अंदाजपत्रकास प्रशासकीय मान्यता, आ.शिरीष चौधरींच्या पाठपुराव्यामुळे यश

अमळनेरात होणार मागासवर्गीय मुलींचे भव्य वसतिगृह

साडेआठ कोटींच्या अंदाजपत्रकास प्रशासकीय मान्यता, आ.शिरीष चौधरींच्या पाठपुराव्यामुळे यश

अमळनेर, १४  मार्च 

अमळनेर येथे चांगल्या शैक्षणिक सुविधा असल्याने बाहेरून शिक्षणासाठी येणाऱ्या मागासवर्गीय मुलींची संख्या देखील अधिक आहे. मुलींच्या सुरक्षेच्या दृष्टीकोनातून व त्यांची शैक्षणिक गैरसोय होऊ नये म्हणून नवीन वसतिगृहाची निर्मिती व्हावी, यासाठी आ.शिरीष चौधरी हे प्रयत्नशील होते.

पाठपुराव्याला यश

आ.चौधरी यांनी वेळोवेळी पाठपुरावा केल्यानंतर वसतिगृहाच्या कामाला मुख्य सचिवांच्या अध्यक्षतेखाली सचिव समितीच्या १५ फेब्रुवारी रोजी झालेल्या बैठकीत मान्यता देण्यात आलेली आहे. आ.चौधरी यांनी सामाजिक व न्याय व विशेष सहाय्य मंत्री ना.राजकुमार बडोले यांच्याकडे यासंदर्भात दि.१० फेब्रुवारी २०१६ रोजी पत्रान्वये मागणी केली होती. याप्रकरणी मंत्री ना.बडोले यांच्याशी झालेल्या चर्चेनंतर त्यांनी याकामासाठी अर्थसंकल्पात तरतूद करावी, असे आदेश प्रधान सचिव यांना २३ फेब्रुवारी २०१६ रोजी दिले होते. आमदार शिरीष चौधरी यांच्या सततच्या पाठपुराव्यामुळे सामाजिक न्याय विभागाने या कामास प्रशासकीय मंजुरी दिल्याचा शासन निर्णय १३ मार्च रोजी प्रकाशित करण्यात आला.

चोपडा रस्त्यावर होणार निर्मिती

वसतिगृहाचे काम सार्वजनिक बांधकाम विभागामार्फत करण्यात येणार असून चोपडा रस्त्यावरील सिंधी कॉलनीजवळ हे भव्य वसतिगृह उभे होणार आहे.

भाडेतत्वाच्या इमारतीला आमदारांचा होता विरोध

प्रस्तावित काम लवकरात लवकर मार्गी लावणार - आ.चौधरी

चोपडा रस्त्यावर असलेल्या मागासवर्गीय मुलांचे शासकीय वसतिगृहाची क्षमता ७५ वरून १०० पर्यंत वाढविणे, अमळनेर तालुक्यात आदिवासी मुलींकरिता नवीन वसतिगृह बांधणे, आदिवासी विद्यार्थ्यांकरिता क्रीडा संकुलाच्या बांधकामास प्रशासकीय मंजूरी मिळण्याकामी शासनास निवेदन दिले असून तीनही कामांचा पाठपुरावा सुरू आहे. सर्व प्रस्ताव मार्गी लागल्यास हजारो विद्यार्थ्यांना त्याचा लाभ मिळेल. विद्यार्थ्यांना भविष्यातही शैक्षणिक व क्रीडा सुविधा जास्तीत जास्त उपलब्ध करून देण्यासाठी प्रयत्नशील असल्याचे आ.शिरीष चौधरी यांनी सांगितल