भंडारा जिल्हयातील सर्व पोलीस स्टेशन हायटेक करणार-चंद्रशेखर बावनकुळे

 

 

 

 

 

 

 

 

 

 

 

 

या प्रदर्शनाचे उदघाटन पालकमंत्री चंद्रशेखर बावनकुळे यांच्या हस्ते दीप प्रज्वलन करुन करण्यात आले. यावेळी बोलतांना बावनकुळे म्हणाले की, भंडारा पोलीस दलाने अनेक स्तुत्य उपक्रम राबविले आहे. टेक एक्स्पो हे प्रदर्शन पोलीसांच्या आधुनिकीकरणाचे महत्व विषद करणारे आहे.  भंडारा शहरातील गुन्हयांवर नजर ठेवण्यासाठी सर्वत्र सिसिटीव्ही लावण्यात येतील, असे त्यांनी सांगितले. त्याच प्रमाणे तालुक्याचे शहर व मोठया गावात सिसिटीव्हीचे जाळे निर्माण केले जाईल. पोलीस विभाग हायटेक करण्यासाठी ५०  लाखाचा निधी दिला असून यापुढेही निधी देण्यात येईल, असे त्यांनी सांगितले. पोलीसांच्या सक्षमीकरणाबरोबरच नागरिकांच्या सुरक्षेवर लक्ष केंद्रीत केल्या जाईल, असे ते म्हणाले.