प्रयोग परिनिरीक्षण मंडळ सदस्यांच्या हक्कांवर गदा

 

 

कोणतीही संहिता वाचून त्यांना एका प्रयोगाची परवानगी देण्याचा हक्क हा सदस्यांकडे राखीव ठेवण्यात आला होता, जो संस्थांनाही सोईस्कर होता. त्यांना दोन दिवसात या प्रक्रियेमुळे परवानगी मिळत असल्याने सादरीकरणात व्यत्यय येत नसे. परंतु, मुंबई प्रयोग परिनिरीक्षण मंडळाने सगळी कागदपत्रे आणि संहिता आपल्याकडे पाठवण्याचा आग्रह करून संस्थांना जेरीस धरले आहे. तसेच संस्थांना दोन दिवसात काय, तर दोन महिने झाल्यानंतरही परवानगी मिळत नसल्याने रसिकांना चांगल्या प्रयोगांपासून तर संस्थांना आपल्या कलाकृतींपासून वंचित राहावे लागत आहे.

 

 

 

 

आय नावाचा फॉर्म घेऊन त्यावर आपले नाव, पत्ता टाकून 5 रुपयांचा कोर्ट फी स्टॅम्प लावावा. नाटक असेल तर 250 किंवा एकांकिका असेल तर 100 रुपयांची पोस्ट ऑफिसमध्ये जाऊन प्रयोग परिनिरीक्षण मंडळाच्या नावाने मनी ऑर्डर करावी. तसेच तीन संहितेच्या प्रती या सुवाच्य अक्षरात अथवा डीटीपी करून प्रयोग परिनिरीक्षण मंडळाकडे पाठवाव्या. त्यानंतर दोन महिन्यांनंतर आपल्या घरी त्यांचे उत्तर मिळते. हा किचकट प्रकार असल्याने आधीसारखे अधिकार सदस्यांकडे देण्यात यावे, अशी मागणी कलाकारांकडून होत आहे.