चाळीसगावात दुचाकीस्वारास उडविणारा ट्रक सीसीटीव्हीत कैद
Total Views |
युवा उद्योजक मंगेश चव्हाण यांनी बसविले होते शहरात 20 लाखांचे कॅमेरे
चाळीसगाव :
चाळीसगाव : सिसीटीव्ही यंत्रणा म्हणजे कायदा आणि सुरक्षाव्यवस्थेचा तिसरा डोळाच असतो युवा उद्योजक मंगेश चव्हाणां च्या दातृत्वातून हे वीस लाख रुपयांचे कॅमेरे शहरात बसविण्यात आले आहेत.
ही सर्व यंत्रणा पोलीस स्टेशनमध्ये पोलिसांच्या देखरेखीखाली आहे. या यंत्रणेची मोठी मदत पोलिसांना वेळोवळी होत आहे. याचा प्रत्यय 22 नोव्हेंबर रोजी सकाळी 10 वाजेच्या सुमारास शहरातील वर्दळीच्या कॅप्टन कॉर्नर चौकात एका अज्ञात ट्रकने एका दुचाकीस्वाराला धडक देऊन पसार झाला होता.
संबंधित अपघात झालेल्या इसमाने घटनेची माहिती पोलिसांना दिली असता पोलिसांनी तपासाची चक्रे फिरवली आणि पसार झालेला ट्रक त्याच्या क्रमांकासह शहरातील सीसीटीव्ही मध्ये कैद झालेला आढळला.
या फुटेजच्या आधाराने पोलीसांनी तपास करत असून लवकरच ट्रकचालकाच्या मुसक्या आवळल्या जातील. या घटनेमुळे एक गंभीर गुन्हा करून पळून जाणारा ट्रक सापडणार आहे .
सर्वोत्कृष्ट दर्जांचे सीसीटीव्ही कॅमेरे
राज्यातील मेट्रो सिटीत बसविण्यात येणार्या दर्जाचे हे सीसीटिव्ही कॅमेरे चाळीसगावात विविध सात चौकात बसविले आहेत सिग्नल चौक, तहसील कार्यालय चौक, नागद चौफुली, खरजर्ई चौक, नवीन हिरापुर रोड नाका, रेल्वे स्टेशन, महाराणा प्रताप चौक कॉलेज पॉइंट या सह शहराच्या मुख्य बाजारपेठ ठिकाणी ही सीसीटिव्ही कॅमेरे बसविण्यात आले आहेत.
आज या यंत्रणेमुळे पोलिसांना अपघात करणारा ट्रक पकडला गेला असल्याचे मला कळाले याचे समाधान वाटते आहे, अशी भावना सामाजिक कार्यकर्ते व युवा उद्योजक मंगेश चव्हाण यांनी व्यक्त केली.