एरंडोलला ’तरूण भारत’ अल्पना कला स्पर्धा-२०१८ अंतर्गत रांगोळी स्पर्धेत बलराम परदेशी प्रथम तर काजल मराठेे ठरली द्वितीय विजेती

एरंडोल, १७ ऑक्टोबर

‘जळगाव तरूण भारत’ने एरंडोल येथे बुधवार, १७ ऑक्टोबर रोजी करनदादा पाटील मित्र परिवार आणि गोपी गोल्ड इंग्लिश मिडीयम स्कूल सहकार्याने आयोजित अल्पना कला स्पर्धाअंतर्गत घेतलेल्या रांगोळी स्पर्धेत बलराम परदेशी यांनी प्रथम तर द्वितीय पुरस्कार काजल परशुराम मराठे यांनी पटकावला. तृतीयस्थानी जया दिलीप वाडिले राहिल्या.

 

साई गजानन मंदिर हॉल रामचंद्र नगर, बसस्टॅन्डजवळ येथे अत्यंत उत्साहात पार पडलेल्या यास्पर्धेत सुमारे ६२ स्पर्धकांनी सहभाग घेतला. मान्यवरांच्या हस्ते विजेत्यांना बक्षिसे देण्यात आली. विशेेष म्हणजे महिलांचे क्षेत्र समजल्या जाणार्‍या रांगोळी कलेत बलराम परदेशी यांनी पटकावलेल्या प्रथम क्रमांकाचे सर्वांनाच आश्‍चर्य वाटले.बक्षीस वितरण कार्यक्रमाला पारोळा नगरपरिषदेच्या नगरसेविका अंजलीताई करण पाटील, गोपी गोल्ड इंग्लिश मिडीयम स्कूलचे अध्यक्ष सचिन विसपुते, माध्यमिक विद्या मंदिराच्या मुख्याध्यापिका अंजुषा चव्हाण, साळी समाज अध्यक्षा शोभा साळी, संस्कार भारती जळगावच्या मातृशक्ती प्रमुख सुनंदा सुर्वे, संस्कार भारतीच्या शहर रांगोळी विभाग प्रमुख रेखा लढे, कवयित्री बहिणाबाई चौधरी ‘उमवि’तील यशवंत गरुड, रा.ती.काबरे विद्यालयातील कला शिक्षक डी.जी.बाविस्कर, बालकवी विद्यालयातील कला शिक्षक परमेश्‍वर रोकडे हे परीक्षक, माधव बहुउद्देशीय प्रतिष्ठानचे संचालक किशोर ढाके आणि तरुण भारतचे निवासी संपादक दिनेश दगडकर व्यासपीठावर होते.

 

 

मान्यवरांच्या सत्कारानंतर या स्पर्धेमागील ‘तरुण भारत’ची भूमिका विशद करण्यात आली.

बेटी बचाओ, बेटी पढाओ, पर्यावरण, पाणी टंचाई, वीज संकट यासोबतच अन्य रांगोळ्याही स्पर्धकांनी रेखाटल्या होत्या. अत्यंत प्रभावीपणे हे विषय हाताळल्याने प्रेक्षकांनाही त्यांची परिणामकारकता अधिकच जाणवली.

 

 

अंजलीताई पाटील आणि अन्य मान्यवरांच्या हस्ते बक्षिसांचे वितरण झाले. प्रथम पुरस्काराचे मानकरी बलराम मोहनसिंग परदेशी यांना १००१/रू. रोख, स्मृतिचिन्ह व प्रमाणपत्र, काजल परशुराम मराठे हिला द्वितीय पुरस्कार ७०१/रू. रोख, स्मृतिचिन्ह व प्रमाणपत्र तर जया दिलीप वाडिले हिला ५०१/रू. रोख, स्मृतिचिन्ह व प्रमाणपत्र देण्यात आले. उत्तेजनार्थ बक्षिसांच्या मानकर्‍यांमध्ये वैष्णवी जितेंद्र पाटील, प्रिया विपीन परदेशी आणि कल्याणी महेंद्र जोशी यांचा समावेश होता. त्यांना प्रत्येकी २०१/- रू. देण्यात आले.

 

 

या कार्यक्रमाचे प्रास्ताविक आणि सूत्रसंचालन भाग्यश्री सुभाष दर्शे यांनी केले. स्पर्धेसाठी गोपी गोल्ड इंग्लिश मिडीयम स्कूलच्या ज्योती विनायक महा (वडगावकर) यांच्या नेतृत्वाखाली कविता पाटील, मोनिका शेटे, राणी चौधरी, सुवर्णा वानखेडेकर, रुपाली तेलंगे, विद्या सोनी, ममता साटोटे, कवीता सुर्वे, मिनल चौधरी आणि ज्योती महाले तसेच तरुण भारत परिवारातील अनिकेत आफे्र यांनीही सहकार्य केले.