भय इथले संपत नाही...!

Protests in Nagpur as the team lands there for promotion #InduSarkar pic.twitter.com/iTVwAO4W6w

— Indu Sarkar (@InduSarkarMovie) July 16, 2017

या गोष्टींना होतोय प्रखर विरोध
चित्रपटाचा ट्रेलर प्रदर्शित झाल्यानंतर सगळ्याच जास्त विरोध झाला तो म्हणजे या ट्रेलर मधील एका संवादाला. ‘...और तुम लोग जिंदगी भर माँ-बेटे कीं गुलामी करते रहोंगें’ असा संवाद चित्रपटातील मुख्य भूमिकेत असणार्‍या इंदूच्या तोंडी देण्यात आला आहे. खरतर याच संवादाने काँग्रेसी नेते, कार्यकर्ते व समर्थक पेटून उठले. त्यांच्यातली ही आग शमती न शमती तोच ‘चढता सुरज धीरे धीरे’ हे त्यावेळेसच्या सरकारला चपराक मारणारं चित्रपटातलं पहिलं गाणं प्रदर्शित झालं. इथूनच काँग्रेसी लोकांनी ‘इंदू सरकार’ विरोधातला संघर्ष अधिक प्रखर केला. सुरूवातीला़ हा विरोध सोशल मीडियावरूनच होत होता. ज्योतिरादित्य सिंधीया, राधाकृष्ण विखे पाटील यांसारख्या मोठ्या नेत्यांनी चित्रपटाला विरोध दर्शविला आणि नंतर हा विरोध वार्‍यासारखा पसरत गेला. कोणी म्हणायला लागलं मधुरच्या तोंडाला काळ फासणार्‍यांना मी एक लाख बक्षीस देणार तर कोणी म्हणातयं प्रदर्शनापूर्वी हा चित्रपट काँग्रेसच्या वरिष्ठ नेत्यांना दाखवा... आता गेल्या दोन दिवसात तर विरोधाला अधिक धार प्राप्त झाली असून पुणे व नागपूरमधील नियोजित पत्रकार परिषदाचा काँग्रेसच्या लोकांनी रद्द केल्या. एकूणच हे सगळं वातावरण पाहता मनात प्रश्‍न पडतो की, ही काँग्रेसी लोकं नेमकी कोणत्या गोष्टीला घाबरत आहेत. त्यावेळी आणीबाणीच्या काळात इंदिरा गांधींनी किंवा संजय गाधींनी जे निर्णय घेतले ते मधुरने जसेच्या तसे मांडले आहेत आणि मधुरच्या म्हणण्यानुसार हा चित्रपट 30 टक्के सत्यघटनेवर तर 70 टक्के काल्पनिक कथेवर आधारीत आहे.

खरच, भय इथले संपत नाही...
मोदी सरकार सत्तेवर आपल्यापासून काँग्रेसची पूर्णपणे वाताहात झाली आहे. ना केंद्रात त्यांचं अस्तित्त्व जाणवतयं ना राज्यात त्यांना कोणी मान देतयं. अशातच ‘इंदू सरकार’सारखा काँग्रेसी व्यवस्थेवर बोट ठेवणारा चित्रपट प्रदर्शित झाला तर उरली सुरली प्रतिमा देखील धुळीस मिळेल, अशी भिती कदाचित या सर्वांना वाटत असणार. सत्तांतर होऊन तीन वर्ष नुकतीच उलटून गेली पण या संपूर्ण कालावधीत काँग्रेस अतिशय भयभीत अवस्थेत कुठेतरी कोपर्‍यात जाऊन बसल्याचे चित्र दिसून येत आहे. इंदिरा गांधींसारख्या व्यक्तिमत्त्वावर चित्रपटातून कोणी चुकीचं दाखवणार असेल तर त्याचा कट्टर काँग्रेसीजनांना त्रास होणारच पण त्याआधी हा चित्रपट प्रदर्शित होऊ देणं गरजेच आहे. ‘काँग्रेसच्या वरिष्ठांना चित्रपट दाखवा जर त्यात काही आक्षेपार्ह नसेल तर आम्ही तो प्रदर्शित होऊ देवू’, हे असं मधुर भांडारकरला सांगणारे हे कार्यकर्ते कोण लागून गेले? असा उद्विग्न प्रश्‍न आज समाजमनातून उपस्थित होत आहे.

मधुरचं सुचक भाष्य
या सगळ्या प्रकरणांमधील प्रत्येक घडामोडीनंतर मधुरने सयंमी भूमिका घेतल्याचे दिसून येते. पण काल नागपूरात झालेल्या प्रकरणारनंतर मात्र मधुरने थेट राहुल गांधींनाच सोशल मीडियावरून प्रश्‍न केला आहे. मधुर म्हणतोय, “पुण्यानंतर मला नागपुरमध्ये होणारी पत्रकार परिषदही रद्द करावी लागली. तुम्हाला ही गुंडगिरी मान्य आहे का? मला माझे अभिव्यक्ति स्वातंत्र्य आहे का?’’ अजूनतरी राहुलबाबांनी याचं उत्तर दिलेलं नाही. यासगळ्याशिवाय या चित्रपटाच्या निमित्ताने मधुरवर आणखी एक मोठा आरोप होत आहे तो म्हणजे, तुम्ही मोदी समर्थक आहात व भाजपाने हा चित्रपट स्पॉन्सर केला आहे. हे विधान देखील खोडून काढत मधुरने त्याचं योग्य उत्तर दिलयं. एका मुलाखतीत तो असं म्हणलाय की, “मी जर खरच मोदी समर्थक असतो तर ‘इंदु सरकार’मधील 17 आक्षेपार्ह सीन व ‘आरएसएस’, ‘कम्युनिस्ट’, ‘किशोर कुमार’, ‘अकाली’ किंवा जेपी नारायण यांसारखे शब्द मला काढून टाकावे लागले नसते. आणि खरच भाजपाने स्पॉन्सरशिप दिली असती तर मी हा चित्रपट 2019 मध्येच प्रदर्शित केला असता ना...’’.